Kompleks şəhərin ən tanınan hissəsində inşa edilməklə “Karvan” ticarət mərkəzindən 1,5 kilometr məsafədə, yaşayış üçün çox əlverişli məkanda yerləşir.

Dənizin sahilində ucaldılan yaşayış kompleksi misilsiz görünüşə, bənzərsiz dizayna və hər sakinini razı salacaq rahat mənzillərə sahibdir. Bütün beynəlxalq standartlara cavab verən kompleksdə mənzillər təmirsiz vəziyyətdə satışa təklif olunur.

Qeyd etmək lazımdır ki, mənzillərdə tavanın hündürlüyü 3.3 metrə çatır. Dəniz mənzərəli, işıqlı mənzillər isə hər bir sakininin könlünü oxşamağa qadirdir.

Aydın məsələdir ki, hər hansı yaşayış məkanı inşa edilərkən sakinlərin təhlükəsizliyi başlıca prioritet məsələdir. Tam əminliklə vurğulaya bilərik ki, haqqında bəhs etdiyimiz yaşayış kompleksində gələcək ev sahiblərinin təhlükəsiz yaşamını təmin etmək məqsədilə bütün zəruri tədbirlər görülüb.

Kompleksin inşası zamanı isə ən müasir texnologiyalardan və keyfiyyətli tikinti materiallarından istifadə olunub.

“Mirvari City” yaşayış kompleksi mənzillərlə yanaşı, sakinlərin bir çox ehtiyaclarına uyğun olaraq alış-veriş mərkəzi, parkinq, kafe və restoranlar ilə də təchiz edilib. Bununla yanaşı, kompleksdə sakinlərin və xüsusilə də, uşaqların istirahəti üçün uşaq meydançası, futbol və basketbol meydançaları da mövcuddur.

Yaradılan bütün imkanlar sizin və ailənizin əlverişli yaşam şərtlərinə sahib olması üçün nəzərdə tutulub. Möhtəşəm görüntüsü və mənzərəsi ilə Sumqayıt şəhərinin memarlığına daha bir gözəllik qazandıran “Mirvari City” öz rahatlığı və prestijliyi ilə burada keçən hər gününüzü özəl günə çevirəcəkdir.