Müasir texnologiyalardan və keyfiyyətli inşaat materiallarından istifadə edilərək inşa edilən “Star Life” kompleksi Bakı şəhərinin ən prestijli hissələrindən birində yerləşir. Belə ki, "8 Noyabr" metrosundan 150 metr məsafədə yerləşən kompleks sakinlərini bir çox üstün cəhətlər və rahatlıqlarla təmin edir.

Öz cəlbediciliyi və ecazkar xarici görünüşü ilə şəhərimizdəki digər binaları geridə qoyan yaşayış kompleksində mənzillər təmirli və təmirsiz olaraq təklif edilir. Mənzillərdə tavanın hündürlüyü isə 3.30 metr təşkil edir.

Yuxarıda da qeyd etdiyimiz kimi, “Star Life” yaşayış kompleksi bir sıra üstün cəhətlərə malikdir. İlk olaraq vurğulamaq lazımdır ki, kompleks iki mərtəbəli yeraltı parkinq ilə təchiz edilib. Parkinqin isə başlıca xüsusiyyəti ondan ibarətdir ki, məkanın təhlükəsizliyi 7/24 fasiləsiz videomüşahidə kameraları ilə təmin edilir.

Eyni zamanda, yaşayış kompleksini digər yaşayış məkanlarından əhəmiyyətli dərəcədə fərqləndirən amillər bununla bitmir. Belə ki, kompleks burada yerləşən uşaq bağçası, idman və fitnes zalı, qapalı hovuz və SPA ilə də sakinlərinin xidmətindədir.

Həmçinin, “Star Life”da sakinlərin və onların övladlarının öz vaxtlarını səmərəli və əyləncəli keçirməsi üçün futbol meydançası, tennis kortu, uşaq meydançası, hipermarket, kafe və restoranlar da mövcuddur.

Beləliklə, infrastruktur baxımından əlverişli ərazidə yerləşən “Star Life” öz mənzilləri ilə sizin və ailənizin xoş həyat keçirməyinizə öz tövhəsini verəcəkdir.