Mühəndislik və memarlıq
“Aral Group” şirkəti Bakı və digər şəhərlərimizdə yüksək keyfiyyətli mühəndislik və memarlıq xidmətləri təklif edir.
Mühəndislik xidmətləri
Tikinti sektorunda mühəndislik xidmətlərinin göstərilməsi əsas fəaliyyət istiqamətlərimizdən biridir. Şirkətimiz sifarişçini layihənin hazırlanmasından tutmuş texniki nəzarət və obyektin istismara verilməsinə qədər mühəndislik dedikdə ağıla gələn bütün xidmətlər ilə təmin edir. Bununla yanaşı, “Aral Group” daim inkişafda olan tikinti bazarının ehtiyaclarına uyğun olaraq müasir mühəndislik xidmətləri təklif edir.
Beləliklə, şirkətimiz tikinti prosesi üçün aşağıdakı mühəndislik xidmətləri göstərir:
- Mülki və sənaye təyinatlı binaların və tikililərin layihələndirilməsi;
- Mühəndis-kommunikasiya təminatı sistemlərinin layihələndirilməsi;
- Layihə üzrə sənədlərin hazırlanması və təsdiqi;
- İnşaat üçün icazənin alınması;
- Müəllif və texniki nəzarət;
- Tikinti obyektinin istismara verilməsi.
Memarlıq xidmətləri
Şirkətimizin təklif etdiyi memarlıq xidmətlərinə inşa və yaxud təmir ediləcək obyektin bütün xüsusiyyətlərinin və detallarının diqqətlə nəzərdən keçirilməsi, konseptual həllərin və çertyojların hazırlanması kimi xidmətlər daxildir.
Şirkətimiz mənzil, bağ evi, kottec, sənaye və yaşayış binaları, ofis və ticarət obyektləri və s. bu kimi digər layihələri həyata keçirməkdə sizə yardımçı olacaqdır.
Yaxşı hazırlanmış layihə, tikinti işlərinə başlamazdan əvvəl vacib məqamları nəzərə almağa, binanın gələcək dizaynını düşünməyə, kommunikasiya xətlərinin rasional qaydada yerləşdirilməsinə və tikinti üçün bütün xərclər smetasını hesablamağa kömək edəcəkdir. Komandamız obyektin bütün tələblərini nəzərə alaraq qarşıya qoyulan tapşırıqların icrası üçün optimal həll yolları da təklif edəcəkdir.
Bir sözlə, peşəkarlarımız sifarişçini bütün bu proseslər üzrə yüksək keyfiyyət və peşəkar yanaşma ilə təmin etməyə daim hazırdır. Mühəndislərimiz və memarlarımız geniş təcrübəyə malik olduqları üçün bütün xidmətlər yüksək səviyyədə və uğurla həyata keçirilir.
Digər xidmətlər
Yaşayış və sənaye binalarının inşası bir sıra mürəkkəb tapşırıqların öhdəsindən gəlməyi bacaran yüksək ixtisaslı mütəxəssislər və peşəkar işçilər tələb edən xüsusi tikinti formasıdır. Komandamıza daxil olan professional mütəxəssislər isə istənilən xüsusiyyətlərə malik, müxtəlif hava şərtlərinə və ətraf mühitin təsirlərinə əhəmiyyətli dərəcədə tab gətirə bilən obyektlərin inşasını uğurla həyata keçirirlər.
Baş podratçılıq“Aral Group” inşaat sahəsində təmir-tikinti, dizayn xidmətləri ilə yanaşı baş podratçılıq xidmətləri də təqdim edir. Şirkətimiz bu məsuliyyəti işin öhdəsindən gəlmək üçün ən yaxşı subpodratçılarla işləyərək yüksək keyfiyyətli tikinti xidmətləri göstərir. Şirkətimiz yaşayış və sənaye təyinatlı binaların, hotel və istirahət mərkəzlərinin, ticarət obyektlərinin, ofis binalarının və s. istiqamətlər üzrə inşası və baş podratçılıq xidmətləri təklif edir.
Təmir və dizaynHər kəs yaşadığı və işlədiyi yerdə özünü rahat və harmoniyada hiss etmək üçün ideal məkan arzusundadır. “Aral Group”un təmir və dizayn üzrə ixtisaslaşmış komandası bütün arzularınızı reallığa çevirməyə hər zaman hazırdır. Şirkətimiz istənilən məkanın (mənzilin, binanın, ofisin, ticarət və sənaye obyektlərinin) təmiri və dizaynı zamanı sifarişçini zaman və vəsait itkisindən xilas edərək onu bütün qayğılardan azad edəcəkdir.
LayihələndirməLayihələndirmə prosesi zamanı ilk növbədə müştərilərin bütün tələbləri, arzu və istəkləri, həmçinin inşa ediləcək obyektin təyinatı nəzərə alınır. Peşəkarlardan ibarət olan komandamızın həyata keçirdiyi layihələndirmə xidməti mənzilinizi və yaxud iş mühitinizi rahat və bənzəri olmayan məkana çevirməyə kömək edəcəkdir.
İnteryer və eksteryer dizaynÜstünlüyümüz Mütəxəssislərimiz məkanın bütün tələblərini və xüsusiyyətlərini nəzərə alaraq fərdi bənzərsiz eksteryer dizayn yaradacaqlar. Üstəlik, dizaynerlərimiz müştərini bütün proses boyu işin gedişatı ilə bağlı məlumatlandırır ki, bu da, istənilən problemin yaranmasının qarşısını alır. Həmçinin qeyd etmək lazımdır ki, komandamız işə başlamazdan əvvəl əlbəttə ki, sifarişçinin əldə etmək istədiyi son nəticə ilə bağlı fikirlərini, istək və arzularını öyrənir. Bu öz növbəsində müştəri üçün orijinal və müasir dizayn yaratmağa şərait yaradır.