Yaşayış və sənaye binalarının inşası
Sirr deyil ki, bu gün cəmiyyətdə yaşayış və sənaye binalarına böyük tələbat duyulur. “Aral Group” isə tikinti sahəsində istənilən mürəkkəblikdə və çətinlikdə yaşayış və sənaye binalarının tam keyfiyyətli şəkildə inşasını həyata keçirir. İnşa etdiyimiz obyektlərin keyfiyyəti isə təsadüfi deyil və bunu sahib olduğumuz uzun illik təcrübəyə borcluyuq.
Yaşayış və sənaye binalarının inşası bir sıra mürəkkəb tapşırıqların öhdəsindən gəlməyi bacaran yüksək ixtisaslı mütəxəssislər və peşəkar işçilər tələb edən xüsusi tikinti formasıdır. Komandamıza daxil olan professional mütəxəssislər isə istənilən xüsusiyyətlərə malik, müxtəlif hava şərtlərinə və ətraf mühitin təsirlərinə əhəmiyyətli dərəcədə tab gətirə bilən obyektlərin inşasını uğurla həyata keçirirlər.
Bakıda və bölgələrdə yaşayış binalarının inşası
Bu gün yaşayış binaları tikinti sektorunda xüsusi paya sahibdirlər. Belə ki, illər keçdikcə əhalinin rifah səviyyəsinin artması ilə yeni yaşayış binalarının inşasına da böyük tələbat yaranır. Qeyd etmək lazımdır ki, yaşayış binalarının inşası zamanı bütün beynəlxalq standartlara cavab vermək və gələcək sakinlərin təhlükəsizliyini təmin etmək çox vacibdir. Fəaliyyət göstərdiyimiz bütün bu illər ərzində qazandığımız təcrübə çoxmənzilli yaşayış binalarını tez bir zamanda və keyfiyyətli şəkildə ərsəyə gətirməyə imkan verir.
Sənaye binalarının inşası
Sənaye binalarının inşası çox mürəkkəb prosesdir və tikinti zamanı yüksək məsuliyyət tələb edir. Bu səbəbdən də, sənaye təyinatlı binaların inşası ilə şirkətimizin ən yüksək ixtisaslı mütəxəssisləri məşğul olur. “Aral Group” inşa edilən sənaye obyektinin bütün texnoloji tələblərə cavab verdiyinə, eləcə etibarlılığına və davamlılığına zəmanət verir. Bu gün şirkətimiz müştərilərinə anbar, fabrik, zavod və s. sənaye binalarının inşası kimi xidmətlər təklif edir.
“Aral Group”un inşa etdiyi binaların əsas üstünlükləri
Şirkətimiz tərəfindən inşa edilən istənilən təyinatlı binalar öz yüksək dayanıqlılığı, uzunömürlülüyü, funksionallığı və mükəmməl xarici görünüşü ilə digər binalardan fərqlənir. Bununla yanaşı, inşa etdiyimiz binalar öz orijinallığı ilə də seçilir. Belə ki, inşa etdiyimiz hər binaya, obyektə fərdi qaydada yanaşırıq. Xüsusilə vurğulamaq lazımdır ki, istənilən obyektin inşası zamanı ən keyfiyyətli tikinti materiallarından və müasir texnologiyalardan istifadə olunur.
Digər xidmətlər
“Aral Group” inşaat sahəsində təmir-tikinti, dizayn xidmətləri ilə yanaşı baş podratçılıq xidmətləri də təqdim edir. Şirkətimiz bu məsuliyyəti işin öhdəsindən gəlmək üçün ən yaxşı subpodratçılarla işləyərək yüksək keyfiyyətli tikinti xidmətləri göstərir. Şirkətimiz yaşayış və sənaye təyinatlı binaların, hotel və istirahət mərkəzlərinin, ticarət obyektlərinin, ofis binalarının və s. istiqamətlər üzrə inşası və baş podratçılıq xidmətləri təklif edir.
Mühəndislik və memarlıqTikinti sektorunda mühəndislik xidmətlərinin göstərilməsi əsas fəaliyyət istiqamətlərimizdən biridir. Şirkətimiz sifarişçini layihənin hazırlanmasından tutmuş texniki nəzarət və obyektin istismara verilməsinə qədər mühəndislik dedikdə ağıla gələn bütün xidmətlər ilə təmin edir. Bununla yanaşı, “Aral Group” daim inkişafda olan tikinti bazarının ehtiyaclarına uyğun olaraq müasir mühəndislik xidmətləri təklif edir.
Təmir və dizaynHər kəs yaşadığı və işlədiyi yerdə özünü rahat və harmoniyada hiss etmək üçün ideal məkan arzusundadır. “Aral Group”un təmir və dizayn üzrə ixtisaslaşmış komandası bütün arzularınızı reallığa çevirməyə hər zaman hazırdır. Şirkətimiz istənilən məkanın (mənzilin, binanın, ofisin, ticarət və sənaye obyektlərinin) təmiri və dizaynı zamanı sifarişçini zaman və vəsait itkisindən xilas edərək onu bütün qayğılardan azad edəcəkdir.
LayihələndirməLayihələndirmə prosesi zamanı ilk növbədə müştərilərin bütün tələbləri, arzu və istəkləri, həmçinin inşa ediləcək obyektin təyinatı nəzərə alınır. Peşəkarlardan ibarət olan komandamızın həyata keçirdiyi layihələndirmə xidməti mənzilinizi və yaxud iş mühitinizi rahat və bənzəri olmayan məkana çevirməyə kömək edəcəkdir.
İnteryer və eksteryer dizaynÜstünlüyümüz Mütəxəssislərimiz məkanın bütün tələblərini və xüsusiyyətlərini nəzərə alaraq fərdi bənzərsiz eksteryer dizayn yaradacaqlar. Üstəlik, dizaynerlərimiz müştərini bütün proses boyu işin gedişatı ilə bağlı məlumatlandırır ki, bu da, istənilən problemin yaranmasının qarşısını alır. Həmçinin qeyd etmək lazımdır ki, komandamız işə başlamazdan əvvəl əlbəttə ki, sifarişçinin əldə etmək istədiyi son nəticə ilə bağlı fikirlərini, istək və arzularını öyrənir. Bu öz növbəsində müştəri üçün orijinal və müasir dizayn yaratmağa şərait yaradır.