Məxfilik siyasəti
Bu məxfilik siyasəti (bundan sonra “Sənəd” adlandırılacaq) veb saytımızdan və təklif etdiyimiz məhsul və ya xidmətlərdən istifadə edərkən “Aral Qrup” MMC (bundan sonra "Şirkət" adlandırılacaq) tərəfindən fərdi məlumatlarınızın toplanılma, işlənilmə və istifadə formalarını, paylaşılacağı subyektlərin dairəsini, belə məlumatların mühafizəsinə dair digər əsas prinsipləri və müştəri hüquqlarınızı əhatə edir. Şirkət bu aspektdə qanunvericiliyə uyğun fəaliyyət göstərir, öz müştərilərinin və tərəfdaşlarının məlumatlarının gizliliyinə və təhlükəsizliyinə tam təminat verir.
Şirkət bununla bəyan edir ki, subyektin adı, soyadı, atasının adı, telefon nömrəsi və ya elektron poçt ünvanı kimi şəxsi məlumatlarının toplanması potensial müştərini kommersiya təklifləri ilə tanış etmək məqsədilə həyata keçirilir və şirkət və ya operator tərəfindən göstərilən məqsədlər üçün istifadə olunacaq.
Subyekt tərəfindən veb-saytda şəxsi məlumatların yerləşdirilməsi könüllülük prinsipi əsasında həyata keçirilir və təqdim edildiyi andan etibarən şirkət və operator tərəfindən qorunur. Veb-saytda şəxsi məlumatları yerləşdirməklə, subyekt şirkət və ya operator tərəfindən bu cür məlumatların toplanmasına, emalına və saxlanmasına razılıq verir.
Subyekt tərəfindən təqdim edilən şəxsi məlumatlar (adı, soyadı, atasının adı, telefon nömrəsi və elektron poçt ünvanı) "Şəxsi məlumatlar haqqında" Azərbaycan Respublikası Qanununun 5-ci maddəsinə uyğun olaraq şirkət tərəfindən qorunur. "Şəxsi məlumatlar haqqında" Azərbaycan Respublikası Qanununun 13-cü maddəsində nəzərdə tutulmuş hallar istisna olmaqla, məxfi şəxsi məlumatlar yalnız subyektin razılığı ilə üçüncü şəxslərə verilə bilər.
Şirkətə məxsus şəxsi məlumat resursu ilə əlaqədar olaraq, Subyekt aşağıdakı hüquqlara malikdir:
- şirkət və ya operatordan onun haqqında şəxsi məlumatların mövcudluğu barədə məlumat almaq;
- özü haqqında şəxsi məlumatların toplanması, işlənməsi və üçüncü tərəflərə ötürülməsi üçün hüquqi əsaslandırma tələb etmək və bu məlumatların toplanması, işlənməsi və üçüncü tərəflərə ötürülməsinin subyekt üçün yarada biləcəyi hüquqi nəticələr barədə məlumat almaq;
- şəxsi məlumat resursunda onun haqqında toplanmış şəxsi məlumatların məzmunu ilə tanış olmaq;
- özü haqqında şəxsi məlumatların toplanması və emalının məqsədini, onların işlənmə müddətlərini və üsullarını, onun şəxsi məlumatları ilə tanış olmaq üçün icazəsi olan şəxslərin dairəsini, o cümlədən məlumat mübadiləsinin həyata keçirilməsini təmin edən informasiya sistemlərini bilmək;
- qanunla müəyyən edilmiş hallar istisna olmaqla, onun haqqında toplanmış hər hansı şəxsi məlumatların dəyişdirilməsini və məhv edilməsini tələb etmək, həmçinin bu məlumatların müəyyən edilmiş qaydada arxivə verilməsi üçün sorğu təqdim etmək;
- özü haqqında şəxsi məlumatların toplanmasına və emalına qadağa qoyulmasını tələb etmək;
- özü haqqında toplanmış hər hansı şəxsi məlumatların mənbələri haqqında məlumat almaq və bu məlumatların qanuniliyinin sübutunu tələb etmək;
- özü haqqında toplanmış hər hansı şəxsi məlumatların qorunmasını tələb etmək;
- Qanun və Azərbaycan Respublikasının digər normativ hüquqi aktları ilə müəyyən edilmiş digər hüquqlardan istifadə etmək.
Subyektin şirkət tərəfindən toplanan şəxsi məlumatları şirkət tərəfindən yaradılmış şəxsi məlumat resursunda saxlanılır.
Bu Sənəddə istifadə olunan əsas terminlərin mənaları "Şəxsi Məlumatlar haqqında" Azərbaycan Respublikası Qanununda verilən mənalara uyğundur.
Subyekt şəxsi məlumatları müvafiq qaydada veb-saytda yerləşdirməklə bu Sənədin şərtlərinə razılıq verir.
Dizayn və Proqramlaşdırma
Maestro Studio